🔸مساء الخير
▪️ أعزائي الكرام..😊
▪️متابعي صفحتي الأوفياء...😍
كما عودتكم صفحة مطبخ المدية للطبخ والحلويات دائما على تلبية رغباتكم وطلباتكم..
🛑غدا ان شاء الله راح يكون لايف خاص بوصفة المسمن الجاري...❤️
اللايف بعد صلاة الجمعة بإذن الله...
وراح نقدملكم الوصفة والمقادير مسبقا حتى تقدرو تحضرو معايا.
🔹أما أسرار نجاح الوصفة راح نقدمها لكم ان شاء الله في اللايف.
💥وصفة المسمن :
♦️العجينة :
(الكيلة طبسي شوربة لشخص واحد)
_3 كيلات سميد رطب (حوالي كيلو سميد)
_كيلة فرينة
_فنجال زيت
_ملح
_ويلتم بالماء
➖كاين لي يضيفولو حبة بيض... لكن البيض كي تطول العجينة وهي ترتاح العجينة راح تتقطع.
🔹العجينة تندلك
🔹طريقة الخبيز كيما المعارك.... فقط الكورة تاع العجينة تكون صغير
إذا حبيتي الحبة صغيرة الكورة قد صفار البيض
وإذا كبيرة شوية قد حبة البيض.
الطريقة ان شاء الله في اللايف تابعوها.
♦️العسل.:
سر المسمن في العسل
مايكون تقيل مايكون خفيف
كيلو سكر مع لتر ماء والطريقة غدا ان شاء الله في اللايف.
✅المسمن الجاري هو من وصفات زمان ومن أشهر الوصفات اللي اتميزت بيها ولاية المدية حيث كانو جداتنا يحضروها.
المسمن الجاري مجيش حبتو واقفة وشادة روحها وميجيش يتقرمش ويتكسر.
لازم يجي يتلوى وطري كيما نقولو تقدري تطويه بلا ما يتكسر.
✅حبيت نقدملكم إلتفاتة...
كاين خبز الحلو.. السفنج (الخفاف).. المسمن.. خبز الطاجين... البغرير وغيرها من الوصفات لي يخدمهم فقط بالفرينة.
دك نقولكم وشنو الفرق بينها وبين لي نخدموها بالسميد.
🔸حاجة السميد لازم ندلكها مليح على عكس الفرينة
و الوصفة كي نخدموها بالفرينة برك لازم تاكلوها سخونة والا بعد مدة قصيرة راح تبيس ادا مخبيتوهاش في المجمد.
على عكس وصفات السميد راح تشد وقت أطول.
#بقلمي_مريم_بن_رقية
نتمنى قدرت نفيدكم في واش نعرف
اللايف في المجموعة غدا ان شاء الله بعد صلاة الظهر.
رابط المجموعة في أول تعليق.
كل وحدة مهتمة بالوصفة او عندها إضافة تخلي تعليق
#محبتكم_مريوم
