المقادير:
- العجينة
- نصف لتر حليب
- 250 غ زبدة فلوريال
- ملعقة كبيرة سكر عادي
- ربع ملعقة صغيرة ملح
- 300 غ فرينة
- حوالي 7 حبات بيض
- تفاح
- ماء الزهر
- فرولة
- موز
- سيرو
- كريمة الشوكولاطة
- نصف لتر حليب
- 4 ملاعق كبار سكر
- 60 غ مايزينة
- 250 غ امباسادور
- 60 غ زيت
- 100 غ لوز محمص ومرحي خشين
- نصف لتر حليب
- 6 ملاعق كبار سكر
- حبة بيض كاملة وصفار بيضة
- 90 غ مايزينة
- 50 غ زبدة طرية.
نضع الحليب في كاسرونة ونحط معاه الزبدة والسكر والملح.
ونحطهم فوق النار حتى تذوب الزبدة كامل.
نضيف الفرينة بالتدريج مع التحريك السريع.
نضيف في البيض بالحبة ونضرب بالباتوغ حتى تصبح عجينة متماسكة ونبعدها على النار.
نحطها في لابوش ونشكلها فوق ورق الطهي آساس نجاح العجينة هو الطياب وماشي لازم فور فونتي لي كذلك تطيب في العادي.
نسخن الفرن ونحط السنيوة فوق الطبقة لي في الوسط درجة حرارة الفرن متوسطة منفتحش عليها حتى تمر 40 د بأه نفتح نفقدها مدة طياب حوالي ساعة ومتشعلولهاش من فوق تحمار وحدها من حرارة النار لي تحت.
كي طيب طفيلها خلي السنيوة في الفور 5 د في هذيك السخانة بأه تجبدوها بأه تجيكم ماشي طرية ومشمخة .
كريمة الشوكولاطة نصف لتر حليب 4 ملاعق كبار سكر 60 غ مايزينة حطيهم فوق النار كي قريب يعقدو زيديلها تابليطة امبسادور ⬅️ وحركي حتى يعقدو بعديها عل نار.
ضيفيلها ملعقة زبدة طرية وحركي وانا زدتلها ملعقة نوتيلا اختياري.
غطيها بساشي وخليها تبرد.
250 غ امباسادور ذوبيها في حمام مائي زيديلها 60 غ زيت.
و 100 غ لوز محمص ومرحي خشين كريمة الفانيلا ونصف لتر حليب و6 ملاعق كبار سكر وحبة بيض كاملة وصفار بيضة 90 غ مايزينة وتعقد فوق النار.
نزيدلها 50 غ زبدة طرية.نزيدلها 50 غ زبدة طرية.
نطلع كاس شانتيي مع كاس ناقص 1 سم حليب بارد
كي تبرد الكريمة نبدأ نزيد بلعقل في الشانتيي للكريمة حتى يصبح قوامها مليح ماشي شرط نكمل لاشونتيي.
